‘’آنا كويتي من البحرين حظـّي أسْعدني بلاثْنين
إهني حب وهناك حب كنّي أتمـشى بقلبين
آنا كويتي من البحرين
يدّي حفَّظـني أشعار توصف حب الجار للجار
والوالد يتمنى الدّار اتكون وحده موبدارين
آنا كويتي من البحرين
أسلافنا غاصة وسيوب محبوبٍ عاون محبوب
بحريني كويتي في دروب الغبـّة دوم متّـحدين
آنا كويتي من البحرين
مـن لمحّرق للمطلاع أو من مـشـرف للرفاع
تسمع نهمه بين لاضْلاع يا مالها.. حب الشعبين
آنا كويتي من البحرين
البحريني كله رطوبـه ولكويــتي زاد لاهوبه
وكل محبوب بعـيــوبه لنّ الطـيب للطيـــبين
آنا كويتي من البحرين’’
«أنا كويتي من البحرين»
ياسين شملان الحساوي
ليست هناك تعليقات:
إرسال تعليق