اعترف لك ما بقى من عالي الهمة سفوح
انحدر كلي كما طفل تحدر مدمعه
من يبي بالله يفتح غلق صدره وابوح
ضاقت الدنيا بشاعر طيب قلبه ضيعه
ما قبلني الحظ قولى وين ابرحل وين اروح
الصبر يا هو يعذب والاماني موجعه
آه يا جود الحزن وياي والفرحة شحوح
ضايع بهمومي الغبرا بوسط المعمعه
اشتكي لوسادتي دنياي واسمعها تنوح
كنها بعضي وبعضي وينه هو منه معه
ايه أنا والعالم المغرور والياس اللحوح
خايض حرب الرياح اللي تسوق الاشرعه
مختلط في عبرتي حبر الشقا ودم الجروح
ومستوي في نظرتي غرب الوجود ومطلعه
وراس مالي ذكريات وحلم وآمال وطموح
لا صديق ولا رفيق ولا طريق واتبعه
نوب اسافر في سديد الراي ونوب في جنوح
مختفي صوت الحقيقه كيف وشلون اسمعه
ليست هناك تعليقات:
إرسال تعليق